अत्यन्त न्यून तलब भत्ताबाट कार्यरत नर्सहरुको मागका विषयमा स्वास्थ्य तथा जनसङ्ख्या मन्त्रालय सक्रिय भएको छ। मन्त्रालयले शुक्रबार आन्दोलनरत नर्सका प्रतिनिधि, नेपाल नर्सिङ संघ, निजी मेडिकल तथा डेन्टल कलेज संघ, जेनजी प्रतिनिधि र चिकित्सा शिक्षा आयोगका प्रतिनिधिसहित प्रारम्भिक छलफल गरेको छ। यसै छलफलको जारी स्वरूप आइतबार सर्वपक्षीय बैठक बस्ने निर्णय गरिएको छ।
नेपाल नर्सिङ संघकी अध्यक्ष प्राध्यापक चन्द्रकला शर्माले आन्दोलनरत नर्सका समस्या, सेवा सुविधा र मागका विषयमा छलफल भएको जानकारी दिइन्। उनले स्वास्थ्य मन्त्रालयले २०८१ मङ्सिर २७ को मन्त्रीस्तरीय निर्णय र निर्देशनको विवरण पनि प्रदान गरेको उल्लेख गर्दै अब निर्णायक कदम चाल्न सकिने चेतावनी दिइन्।
स्वास्थ्य सचिव डा. विकास देवकोटाले पहिलो चरणको छलफल सकारात्मक दिशातर्फ अघि बढेको र सरकारले आन्दोलनरत नर्सको मागमा सकारात्मक रहेको जानकारी दिए।
आन्दोलनमा रहेका नर्सहरु पोखरास्थित मणिपाल मेडिकल कलेज, गण्डकी मेडिकल कलेज र धनगढीका अस्पतालमा कार्यरत छन्। अघिल्लो दिन प्रधानमन्त्री सुशीला कार्कीले स्वास्थ्य सचिवलाई बोलाएर तत्काल छलफल गरी समाधान खोज्न निर्देशन दिएकी थिइन्।
सर्वपक्षीय बैठकमा नेपाल नर्सिङ संघकी अध्यक्ष प्राध्यापक शर्मा, मणिपाल मेडिकल कलेजका सञ्चालक शान्तराज बतास, जेनजी अगुवा सुदन गुरुङ, मेडिकल व्यवसायी दुर्गा प्रसाई र स्वतन्त्र नर्स समूहका प्रतिनिधिहरू सहभागी हुनेछन्।
बैठकमा जेनजी अगुवा गुरुङले नर्सका समस्या उठाउँदै समाधानमा सक्रिय हुन आग्रह गरे भने, व्यवसायी प्रसाईंले आफ्ना नर्सहरूसँग कुनै गुनासो नभएको बताए। मणिपाल कलेजका सञ्चालक बतासले प्रारम्भिक तलब कम भए पनि पछि वृद्धि गरिएको र श्रम शोषणको उद्देश्य नभएको स्पष्ट पारे।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
